Фота ілюстрацынае.
Распачаўся збор архіва беларускага тэатра для фіксацыі сучасных працэсаў і захавання спадчыны. Першапачаткова Беларускае тэатральнае кам’юніці і Беларускі Інстытут тэатра збіраюць інфармацыю аб беларускім тэатры і творцах унутры/за межамі Беларусі за перыяд 2020-2023 гадоў.
Каб даслаць інфармацыю пра рэалізаваныя праекты, трэба запоўніць форму да 25 лютага.
Уся інфармацыя захоўваецца ў бяспечнай прасторы, збіраецца выключна для ўнутранага карыстання і не будзе мець публічнага характару. Потым з ёй будуць працаваць беларускія і зацікаўленыя замежныя тэатразнаўцы. Плануецца публікацыя артыкулаў, з якімі можна будзе азнаёміцца ўсім зацікаўленым.
Каб далучыцца да працоўных груп па запуску кірункаў дзейнасці Беларускага Інстытута тэатра, трэба напісаць у асабістыя паведамленні ці запоўніць анкету.
Падпісвайцеся на культурныя навіны Reform.by у Telegram