Фота: facebook/Nika Sandros
Мастачка Ніка Сандрас прапануе набыць яе працы, размешчаныя ў Інстаграме, навучальны курс альбо проста заданаціць, каб сабраць пачатковую сумму на заклад, які трэба ўнесці да 20 красавіка дзеля ўдзелу ў закрытым конкурсе на памяшканне для беларускай галерэі ў Гданьску.
Ніка Сандарс напісала ў Фэйсбуку, што знайшла ідэальнае месца для галерэі, дзе маглі б паказаваць свае працы беларускія і ўкраінскія мастакі, майстры і самавукі. У гэтай галерэі можна будзе зрабіць выставу работ яе вучняў з хоспіса, праводзіць заняткі для людзей з абмежаванымі магчымасцямі і курсы малявання для людзей пенсійнага ўзросту.
«Я хачу зрабіць маленькую кропку зборкі ў Гданьску. Памяшканне не гіганцкае, не велізарны музей або прастора. Усяго 60 метраў, але гэта тыя метры, на якія я змагу зарабіць. Гэта метры на якіх нашы майстры, мастакі, фатографы змогуць паказаць свае работы бясплатна», — піша мастачка.
На заклад уладальніку памяшкання не хапае $6000.
Падпісвайцеся на культурныя навіны Reform.news у Telegram