Кіраўніца творчай прасторы «Парасон» Інга Казючыц@viasna96
Кіраўніцы творчай прасторы «Парасон» Інзе Казючыц прысудзілі пяць гадоў калоніі агульнага рэжыму. Таксама яна павінна аплаціць штраф 90 тысяч рублёў (2000 базавых).
Адпаведны прысуд вынеслі менеджарцы культуры 10 лістапада ў Мінскім гарадскім судзе, піша праваабарончы цэнтр «Вясна».
Праваабаронцы прызналі Інгу Казючыц палітзняволенай.
«Парасон» — незалежная творчая і культурна-адукацыйная прастора ў Менску, якая займалася папулярызацыяй беларускай культуры і мовы.
Там праводзілі курсы народных рамёстваў, лекцыі пра беларускую гісторыю, кіно і тэатар, майстар-клясы, квізы, імпрэзы, прысьвечаныя беларускім традыцыям і фальклёру.
Падпісвайцеся на культурныя навіны Reform.news у Telegram