Фота: facebook.com/jmorsmusic.
«Любоў больш за ўсе, таму будзем разам як афлайн, так і анлайн, і будзем святкаваць любоў», — запрашае гурт J:Морс на канцэрт на святкаванне Дня святога Валянціна.
14 лютага вядомы беларускі бэнд будзе граць кватэрнік у Варшаве, трансляцыя якога будзе весціся ў інтэрнэт.
Для тых, хто ў Польшчы, музыкі анансуюць адмысловую праграму, якая будзе ладзіцца па адрасе Рух беларускай салідарнасці – ul. Hoża, 41/2. «Усяго 50 месцаў», «afterparty з музыкамі», — адзначаецца ў запрашэнні.
Для тых, хто па-за межамі Варшавы, абяцаюць анлайн-версію музычнага выступлення. «Вы самі вырашаеце, за якую цану набыць квіток. На якасць трансляцыі гэта не паўплывае», — жартуюць арганізатары.
Быць са сваімі слухачамі 14 лютага — даўняя і любімая традцыя J:Морс. Але ўпершыню гурт сыграе свой традыцыйны рамантычны канцэрт не ў Беларусі, падкрэсліваецца ў анатацыі.
Нагадаем, што апошні сінгл беларускага калектыву — «Вікторыя» — выйшаў напрыканцы мінулага года.
«Чым больш зла, гвалту і несправядлівасці выпадае на нашу долю, тым больш мы прыціскаемся адно да аднаго. Тым ярчэй нам падаецца святло ў канцы шляху. Тым мацней мы спадзяемся і верым у каханне», — распавядалі пра новы твор музыкі.
Паслухаць песню можна тут.
Падпісвайцеся на культурныя навіны Reform.by у Telegram