Дарыюш Мехрджуі. Фота: tasnimnews.com.
Іранскае інфармацыйнае агенцтва Tasnim, спасылаючыся на мясцовую паліцыю, паведаміла пра забойства вядомага іранскага рэжысёра, аўтара фільмаў «Карова», «Лейла», «Сара», «Грушавае дрэва» Дарыюша Мехрджуі. Разам са сваёй жонкай Вахідай Махамадзіфар ён быў знойдзены са прыкметамі гвалтоўнай смерці ва ўласным доме ў прыгарадзе Тэгерана.
Як інфармуе агенцтва Tasnim, на целе 83-гадовага рэжысёра былі знойдзены шматлікія раненні, нанесеныя вострым прадметам. Дарыюша і Фахіду знайшла іх дачка, якая прыехала на вячэру да бацькоў. Паліцыя пачала расследаванне.
Дарыюш Мехрджуі — іранскі кінарэжысёр, кінапрадзюсер, сцэнарыст, мантажор, мастак, акадэмік Іранскай Акадэміі мастацтваў. Уладальнік Прэміі Міжнароднага евангелічнага журы (праграма «Форум») за фільм «Паштальён» і Прэміі Міжнароднай Каталіцкай арганізацыі ў галіне кіно — рэкамендацыя (праграма «Форум») за фільм «Карова» на Берлінскім кінафестывалі (1972). Лаўрэат прэміі «Залатая ракавіна» Кінафестывалю ў Сан-Себасцьяне (1993) за фільм «Сара». Уладальнік Прэміі Дон Кіхота — асаблівая згадка Берлінскага кінафестывалю (1999) за фільм «Спадарыня».