Скрын з відэа.
Serenade Melancolique — гэту песню на вершы габрэйскага паэта з-пад Гродна Лейба Найдуса беларускі гурт Tok Rukoo прэзентаваў у Вільні падчас прэзентацыі праекта Yiddish Verses. Зараз рок-бэнд выпусціў атмасферны кліп на меланхалічную кампазіцыю.
У рэлізе таксама акрамя сінгла прадстаўлены і рэмікс трэку ад Cherryvata.
Лейб Найдус (Гродна, 1890–1918) – адзін з заснавальнікаў сучаснай паэзіі на ідышы ў Беларусі. Арыентаваўся на еўрапейскую эстэтыку і мадэрнізм, быў папулярны сярод яўрэйскай моладзі.
У 1915 годзе выйшаў яго першы зборнік «Лірыка». Перакладаў з французскай і рускай моў на ідыш творы Бадлера, Верлена, Растана, Мюсэ, Гейне, Гётэ, Мэры Шэлі, Пушкіна і Лермантава.
Памёр ад дыфтэрыі, якой заразіўся ў перапоўненым цягніку, вяртаючыся дамоў з выступленняў. Пахаваны на новых габрэйскіх могілках. У 1960-х савецкія ўлады Гродна знеслі могілкі, знішчыўшы пахаванні, у тым ліку і магілу Найдуса з помнікам у выглядзе анёла.
Падпісвайцеся на культурныя навіны Reform.news у Telegram