Святлана Дземідовіч. З серыі «Каляднікі». Туш. 2024.
Серыя беларускай мастачкі Святланы Дземідовіч трапіла ў лонг-ліст конкурсу Booooooom Illustration Award, дзе сярод 7000 праектаў журы выбрала 200.
І хоць у лік пераможцаў серыя не ўвайшла, гэтыя аркушы, выкананыя тушшу, вартыя, каб да іх прыгледзецца больш уважліва, асабліва сярод зімовых святаў.
Серыя распачалася ў 2010 годзе, каб кожны наступны год менавіта на Каляды папаўняцца новымі працамі.
Містыка з адценнем жаху, таямніца, якая кліча ў невытлумачальныя глыбіні, і выспяванне рухлівай формы з цёмнага, але прывабнага хаосу, — настраёвыя адметнасці гэтых графічных прац выклікае да жыцця дынамічная аўтарская тэхніка.
Booooooom — самае наведвальнае анлайн-выданне пра мастацтва ў Канадзе.
Падпісвайцеся на культурныя навіны Reform.news у Telegram