Владимир Зеленский. Фото: t.me/V_Zelenskiy_official
Украінскія вайскоўцы паразілі расійскую пускавую ўстаноўку ракетнага комплексу «Іскандэр». Пра гэта заявіў прэзідэнт Украіны Уладзімір Зяленскі са спасылкай на даклад вайскоўцаў.
Ён таксама пацвердзіў інфармацыю аб двух ракетных ударах, у выніку якіх былі знішчаныя два расійскія знішчальнікі Су-34.
“Яшчэ адзін аспект нашай супрацьракетнай працы — гэта камплекты перахопнікаў, перш за ўсё для «Пэтрыётаў», якія партнёры могуць нам даць. Трэба, каб яны абаранялі жыцці”, – падкрэсліў украінскі лідар.
Ён паведаміў, што ўкраінская разведка валодае інфармацыяй аб падрыхтоўцы Расіяй новых балістычных удараў.
«І патрэбныя сілы, каб збіваць усё гэта расійскае зло. Мы чакаем адпаведных рашэнняў. Я хачу падзякаваць усім, хто сапраўды нам дапамагае», — адзначыў Зяленскі.