Учора ўвечары ў Telegram-канале Свята-Елісавецінскага манастыра з’явіўся пост пра знікненне ваенкара-пісьменніка Мікалая Гаўрылянова, які вазіў дапамогу ад мінскай абіцелі расійскім вайскоўцам.
“Ужо суткі не вяртаецца на пункт, куды павінен вярнуцца. І сувязі з ім няма”, — гаварылася ў публікацыі, на якую звярнула ўвагу “Хрысціянская візія”.
Да вечара той жа канал манастыра паведаміў, што Гаўрыляноў жывы, аднак там “не ўсё вясёлкава”.
Пры гэтым у канале самога Гаўрылянова з’явіўся пост пра тое, што сам канал будзе выдалены «па незалежных ад нашых жаданняў прычынах».