У Светлагорскім раёне распачата крымінальная справа ў дачыненні да 26-гадовага мясцовага жыхара. Ён абвінавачваецца ў катаванні асобы, якая знаходзіцца ў бездапаможным стане.
Паводле версіі пракуратуры, мужчына, знаходзячыся ў стане алкагольнага ап’янення, са жніўня па кастрычнік 2026 года не менш за пяць разоў збіў малалетняга сына, якому нядаўна споўніўся год.
Справа з’явілася пасля звароту з дзіцячага сада. Мужчына адводзіў старэйшае дзіця ў дзіцячы сад, пакуль яго жонка знаходзілася ў бальніцы. Дырэктар дзіцячага сада звярнула ўвагу на сінякі ў 5-гадовага дзіцяці. У той жа дзень яна наведала сям’ю дома, дзе і ўбачыла малодшае дзіця з сінякамі.
“Пасля гэтага дзеці былі забраны з сям’і: старэйшы сын змешчаны ў дзіцячую бальніцу, малодшы сын змешчаны для назірання ў аддзяленне рэанімацыі. Адразу ж з дашкольнай установы паступіла адпаведнае паведамленне ў міліцыю. Абвінавачаны спрабаваў апраўдаць наяўнасць шматлікіх драпін на целе сына тым, што ён толькі вучыцца хадзіць і пастаянна падае”, – расказалі ў пракуратуры.
Дзеянні абвінавачанага кваліфікаваны паводле ч. 2 арт. 154 Крымінальнага кодэкса. Ён змешчаны пад варту.