Скриншот видео МВД
52 адзінкі наразной і гладкаствольнай зброі, а таксама больш за 4 тысячы боепрыпасаў канфіскавалі з незаконнага абароту супрацоўнікі ГУБАЗіК МУС Беларусі падчас спецыяльнага мерапрыемства «Арсенал».
У рамках мерапрыемства праверылі 119 чалавек, у тым ліку браканьераў і “чорных капальнікаў”. Праведзена 175 ператрусаў і аглядаў.
Акрамя таго, канфіскаваныя 33 пнеўматычныя вінтоўкі з узмоцненай кінетычнай энергіяй, забароненыя да абароту ў Беларусі, больш за 24 кг выбуховых рэчываў, уключаючы порах, траціл і тол, а таксама амаль 2 тысячы выбухованебяспечных прадметаў часоў Другой сусветнай вайны. Сярод іх міны, снарады, гранаты і ўзрывальнікі.
Па ўсіх канфіскаваных прадметах прызначаныя экспертызы.
У МУС нагадалі, што за незаконнае захоўванне, перавозку, выраб і збыт зброі і боепрыпасаў прадугледжана адміністрацыйная і крымінальная адказнасць. Асобы, якія добраахвотна здалі незарэгістраваную зброю, боепрыпасы і выбуховыя рэчывы, вызваляюцца ад адказнасці.