Фото: Ilse Driessen / Unsplash.com
Венгрыя будзе ў стане адмовіцца ад расійскага газу да кастрычніка наступнага года ва ўстаноўленыя Еўрасаюзам тэрміны. Пра гэта Telex заявіў міністр эканомікі і энергетыкі Іштван Капітань.
Паводле яго слоў, залежнасць краіны ад газу з РФ звязаная з эканамічнымі прычынамі. Венгрыя ў стане атрымліваць газ з розных крыніц, але расійскі быў больш выгадным.
Капітань не ўдакладніў, наколькі знізілася залежнасць Венгрыі ад расійскага газу, але запэўніў, што паліва ў сховішчах дастаткова на зімовы перыяд.
Ён таксама адзначыў, што і праблема паставак нафты ў Венгрыю можа быць вырашаная без расійскай сыравіны. Краіна вядзе перамовы з Харватыяй аб выкарыстанні нафтаправода «Адрыя» на поўную магутнасць.