Урад зацвердзіў дзяржпраграму «Устойлівае прадпрымальніцтва» на 2026–2030 гады

Урад зацвердзіў дзяржаўную праграму «Устойлівае прадпрымальніцтва» на 2026–2030 гады. Адпаведную пастанову №739 ад 20 снежня падпісаў прэм’ер-міністр Аляксандр Турчын, паведамілі ў прэс-службе Мінэканомікі.

Праграма прадугледжвае вырашэнне дзвюх задач:

• стымуляванне развіцця суб’ектаў малога і сярэдняга прадпрымальніцтва,
• стварэнне стабільных, канкурэнтаздольных і прадказальных умоў для бізнесу.

У межах вырашэння першай задачы прадугледжана адрасная дзяржаўная фінансавая падтрымка і крэдытныя прадукты для суб’ектаў МСП ад «Банка развіцця», «Беларусбанка», «Белаграпрамбанка», «Белінвестбанка» ў найбольш прадукцыйных і эфектыўных галінах.

Плануецца стварыць Цэнтр развіцця прадпрымальніцтва на базе Беларускага фонду фінансавай падтрымкі прадпрымальнікаў.

Рашэнне другой задачы прадугледжвае меры па скарачэнні адміністрацыйнай нагрузкі, развіццё інстытута прагназавання наступстваў нарматыўных прававых актаў у працэсе прыняцця кіраўнічых рашэнняў.

«Чакаецца, што за перыяд рэалізацыі дзяржпраграмы сярэднегадавы прырост падатковых паступленняў ад суб’ектаў МСП складзе не менш за 10%, удзельная вага валавай даданай вартасці, якая фармуецца суб’ектамі МСП, дасягне 33% па выніках 2030 года.

Аб’ём сродкаў на рэалізацыю мерапрыемстваў Дзяржпраграмы перавысіць 64 млрд рублёў», — расказалі ў прэс-службе міністэрства.