ФСБ Расіі заявіла аб выяўленні агентурнай сеткі ў Калінінградскай вобласці. Яна працавала на польскія спецслужбы.
“У выніку праведзеных аператыўна-вышуковых мерапрыемстваў затрыманыя два агенты Службы ваеннай разведкі Міністэрства нацыянальнай абароны і Агенцтва ўнутранай бяспекі Рэспублікі Польшча, якія збіралі і перадавалі інфармацыю пра вайскоўцаў і аб’екты Міністэрства абароны РФ, а таксама звесткі пра сацыяльна-эканамічную сітуацыю ў Калінінградскай вобласці, міграцыйную і сацыяльную палітыку ў рэгіёне”, – заявілі ў ФСБ.
Абодва падазраваныя заключаныя пад варту.
Акрамя таго, яшчэ сямі грамадзянам Польшчы і тром грамадзянам Расіі, якія кантактавалі з польскімі спецслужбамі, абвешчаныя афіцыйныя перасцярогі. Польскім грамадзянам таксама забаранілі ўезд у РФ.