Фото: Reform.by
У Мінску пачалі ўключаць ацяпленне ў жылых дамах, інтэрнатах, агульнагарадскіх лазнях і тэатрах. Як паведамілі у Мінгарвыканкаме, рашэнне прынята з улікам прагназуемага пахаладання на наступным тыдні.
Падача цяпла ў жылы фонд будзе праходзіць паэтапна. На запуск ацяплення спатрэбіцца 3–5 дзён.
У выпадку неабходнасці выдаліць паветра з сістэмы ацяплення жыхарам рэкамендуюць звяртацца ў абслуговыя арганізацыі.
Нагадаем, з 24 верасня ў Мінску дазволена ўключаць ацяпленне ў спажыўцоў першай чаргі. Гаворка ідзе пра дзіцячыя сады, школы, лячэбна-прафілактычныя і медыцынскія ўстановы, установы сацыяльнага забеспячэння, спецыялізаваныя вучэбна-спартыўныя ўстановы, музеі, дзяржаўныя архівы, бібліятэкі і гасцініцы.