Майкл Джон Харысан. Фота: thebookerprizes
Вечарам 9 лістапада быў абвешчаны лаўрэат Букераўскай прэміі 2026 года. Яе атрымаў брытанскі пісьменнік-фантаст Майкл Джон Харысан за раман «Канец усяго» (The End of Everything).
Харысан піша кароткімі, кінематаграфічнымі раздзеламі і абапіраецца на традыцыйныя літаратурныя формы, аднак перастварае іх, даследуючы межы чалавечага разумення і дазваляючы чытачу самому запоўніць прабелы. Старшыня журы Мэры Бірд ахарактарызавала «Канец усяго» як «кнігу, якая пераварочвае вас з ног на галаву, выклікае іранічную ўсмешку — і, што дзіўна, улічваючы тэму, пакідае ў вас нотку аптымізму».
«Канец усяго» — гэта дэстабілізуючы і сатырычны дыстапічны раман, дзеянне якога адбываецца на ўзбярэжжы Кента, дзе Філіп Тэнент і яго састарэлая цётка Марні спрабуюць выжыць, сутыкнуўшыся з пагрозай з боку таямнічых ігеці: велізарных істот, якія змяняюць форму, чыё паходжанне і намеры так і не тлумачацца. «Што адбудзецца, калі ўсе нашы чаканні і тлумачэнні свету ператворацца ў суцэльную катастрофу, але нам усё роўна трэба будзе жыць нечым?», – так тлумачыць сам аўтар канцэпт твора.
81-гадовы аўтар — самы ўзроставы лаўрэат гэтай прэміі, якая стала вяршыняй яго шасцідзесяцігадовай пісьменніцкай кар’еры.
Падпісвайцеся на культурныя навіны Reform.news у Telegram