Фото: t.me/gpkgovby
Гродзенскія памежнікі ў пункце пропуску Брузгі вынялі авіямадэль і беспілотнік, паведамілі ў беларускім Дзяржпагранкамітэце.
Першы выпадак адбыўся 29 кастрычніка. Грамадзянка Беларусі спрабавала ўвезці з Польшчы авіямадэль. Праз два дні, 31 кастрычніка, у гэтым жа пункце пропуску памежнікі выявілі беспілотны лятальны апарат у салоне аўтамабіля грамадзяніна Босніі і Герцагавіны.
У абодвух выпадках прадметы вынялі. У дачыненні да парушальнікаў пачаты адміністрацыйны працэс па ч. 1 арт. 18.38 КаАП Беларусі. Ім пагражае штраф да 1350 рублёў (30 базавых).