У Германіі плануюць узмацніць патрабаванні для атрымання грамадзянства

Кіроўная ў Германіі кааліцыя з ХДС/ХСС і СДПГ мае намер узмацніць патрабаванні для атрымання грамадзянства.

Як піша BILD, палітыкі партый абмяркоўваюць пакет рэформаў. Так, прапануецца павялічыць мінімальны тэрмін пражывання ў Германіі з 5 да 8 гадоў. Правіла аб тэрміне пражывання таксама могуць распаўсюдзіць на народжаных у ФРГ дзяцей замежнікаў.

Яшчэ адна прапанова – павышэнне моўнага парога пры натуралізацыі да ўзроўню В2. Магчымасць прадастаўлення нямецкага грамадзянства без адмовы ад першага грамадзянства могуць зрабіць выключэннем. З такімі прапановамі выступае ХДС/ХСС. Таксама партыя хоча зрабіць умовай атрымання грамадзянства адсутнасць зваротаў па дзяржаўную сацыяльную дапамогу на працягу ўсяго перыяду чакання.

У абмен на падтрымку гэтых прапаноў кансерватары гатовыя падтрымаць ініцыятыву сацыял-дэмакратаў па пашырэнні права на знаходжанне ў краіне для замежнікаў, якія працуюць у ФРГ або праходзяць прафесійнае навучанне.

Пакуль прапановы знаходзяцца на стадыі кансультацый паміж партыямі кааліцыі. Гэта вельмі ранняя стадыя абмеркаванняў.