Скриншот видео
Прэзідэнт ЗША Дональд Трамп паабяцаў не наносіць новых удараў па Іране да прамежкавых выбараў у Кангрэс, якія адбудуцца 3 лістапада.
“Мы вядзём прадуктыўныя перамовы з Ісламскай Рэспублікай Іран. Хачу, каб усе дакладна разумелі: хоць становішча Ірана — як у эканамічным, так і ў ваенным плане — вельмі цяжкае, а блакада захоўваецца ў поўным аб’ёме (пры тым, што праз Армузскі праліў праходзяць рэкордныя аб’ёмы нафты — 22 мільёны барэляў толькі за мінулую ноч, прычым ніводзін барэль не быў адпраўлены з Ірана або ў Іран!), мы не будзем наносіць удар па Іране да прамежкавых выбараў у ЗША, якія адбудуцца 3 лістапада”, – напісаў Трамп у Truth Social, падкрэсліўшы, што ў Ірана не будзе ядзернай зброі.
Днямі ў СМІ з’явілася інфармацыя, што Цэнтральнае камандаванне ЗША атрымала ад Пентагона ўказанне падрыхтавацца да новых атак па аб’ектах у Іране. Пры гэтым крыніцы дапускалі новы віток эскалацыі яшчэ ў перыяд да прамежкавых выбараў.