Служба ваеннай контрвыведкі Польшчы затрымала супрацоўніка Міністэрства абароны краіны. Пра гэта паведамляе TVPinfo. Факт затрымання пацвердзіў прадстаўнік міністэрства.
Затрыманы падазраецца ў супрацоўніцтве з расійскай выведкай. Ён шмат гадоў працаваў на пасадзе сярэдняга звяна ў дэпартаменце стратэгіі і абароннага планавання Мінабароны.
Паведамляецца, што затрыманне стала вынікам расследавання, якое праводзіцца контрвыведкай.