Стала вядома праграма Канферэнцыі беларусаў і беларусак свету

Стала вядома праграма пятай Канферэнцыі беларусаў і беларусак свету, якая адбудзецца 1–2 мая 2026 года ў Варшаве. Удзельнікі з розных краін сустрэнуцца афлайн і анлайн, каб абмеркаваць актуальныя праблемы дыяспары, падзяліцца досведам і ўмацаваць супрацоўніцтва беларускіх дыяспар па ўсім свеце.

Канферэнцыю адкрые Святлана Ціханоўская. У праграме першага дня — круглы стол пра самаідэнтыфікацыю беларусаў замежжа, прэзентацыя даследавання пра колькасць беларусаў у свеце, пітч-маркет паспяховых дыяспарных праектаў, дыскусія пра супрацоўніцтва дыяспар з донарамі, а таксама дэбаты прадстаўнікоў Каардынацыйнай рады на тэму яе ролі для беларусаў за мяжой.

Другі дзень прысвечаны практычнай працы: дыскусійная панэль пра палітычную адвокацыю, прэзентацыя праекта па мэпінгу праблем беларусаў замежжа, праца ў групах па выпрацоўцы сумесных рашэнняў, прэзентацыя вынікаў і ўрачыстая цырымонія ўзнагароджання. Завершыць канферэнцыю заключнае слова Святланы Ціханоўскай.

Мерапрыемства публічнае, будзе весціся фота- і відэаздымка, адзначылі ў Офісе Ціханоўскай. Для ўдзелу неабходна рэгістрацыя.

1 мая

• 09:15 — Рэгістрацыя, прывітальная кава, азнаямленне з выбарчымі спісамі ў Каардынацыйную раду
• 10:00 — Уступнае слова Святланы Ціханоўскай, адкрыццё канферэнцыі
• 10:05 — Прывітальнае слова ад дыяспаральнай супольнасці
  10:15 — Арганізацыйнае прывітанне мадэратараў, знаёмства
• 10:30 — Круглы стол «Хто мы: беларусы замежжа, беларусы свету, дыяспара, нацыянальная меншасць?»
• 11:30 — Прэзентацыя даследавання «Падлік беларусаў і беларусак свету»
• 12:00 — Кава-паўза
• 12:30 — Пітч-маркет — самапрэзентацыі паспяховых кейсаў дыяспар (частка 1)
• 13:30 — Абед
• 14:30 — Пітч-маркет — самапрэзентацыі паспяховых кейсаў дыяспар (частка 2)
• 15:30 — «Што (не) працуе: як дыяспарам супрацоўнічаць з донарамі?»
• 16:30 — Кава-паўза
• 17:00 — Дэбаты прадстаўнікоў Каардынацыйнай рады: «Навошта Каардынацыйная рада беларусам замежжа?»
• 18:30 — Падвядзенне вынікаў першага дня.

2 мая

• 09:15 — Рэгістрацыя, прывітальная кава
• 10:00 — Арганізацыйнае прывітанне мадэратараў
• 10:10 — Дыскусійная панэль «Палітычная адвокацыя: выклікі і магчымасці»
• 11:00 — Прэзентацыя праекта «Мэпінг праблем беларусаў замежжа»
• 11:30 — Падзел на групы для далейшай працы
• 11:40 — Кава-паўза
• 12:10 — Праца ў групах «Сумесныя рашэнні для падтрымкі беларусаў замежжа»
• 14:00 — Кава-паўза
• 15:00 — Прэзентацыя вынікаў працы груп
• 16:00 — Урачыстая цырымонія ўзнагароджання
• 16:20 — Падвядзенне вынікаў канферэнцыі
• 16:40 — Заключнае слова Святланы Ціханоўскай.