У МУС паведамілі пра смерць старшага інспектара ДПС спецузвода ДАІ УУС Мінскага аблвыканкама Пятра Масалбасава, якога збіла аўто ў Мінскай вобласці. 40-гадовы маёр міліцыі памёр у бальніцы ад траўмаў, атрыманых пры выкананні службовых абавязкаў.
Цырымонія развітання прайшла ў мінскім Свята-Елісавецінскім жаночым манастыры. Развітацца прыйшлі міністр унутраных спраў Іван Кубракоў, яго намеснікі, начальнікі ГУУС і абласных УУС, кіраўніцтва, асабовы склад і ветэраны Дзяржаўтаінспекцыі.
Пётр Масалбасаў нарадзіўся 1 студзеня 1986 года ў вёсцы Ціхінічы Рагачоўскага раёна Гомельскай вобласці. Большую частку жыцця прысвяціў службе ў ДАІ, нясучы службу на дарогах Гомельшчыны і Міншчыны. У яго засталіся двое непаўналетніх сыноў. У Міністэрстве ўнутраных спраў абяцаюць аказаць сям’і неабходную дапамогу.
Нагадаем, 14 мая паведамлялася, што 74-гадовы кіроўца Opel збіў інспектара, які знаходзіўся побач са службовым аўтамабілем з уключанымі прабліскавымі маячкамі на дарозе Р-58 паблізу вёскі Якубавічы ў Мінскай вобласці.
