Фото: strazgraniczna.pl
Польскія памежнікі затрымалі ў пункце пропуску ў Тэрэспалі аўтамабіль BMW, які знаходзіўся ў вышуку ў Германіі. За рулём знаходзіўся грамадзянін Германіі, які спрабаваў уехаць у Польшчу з Беларусі.
Падчас праверкі аўтамабіля памежнікі ўстанавілі, што BMW M440i 2024 года выпуску лічыцца скрадзеным у Германіі. Кошт аўтамабіля ацэньваецца ў 220 тысяч злотых (55,8 тысячы долараў), паведамляе польская памежная служба.
Распачата папярэдняе расследаванне. Вадзіцеля разам з аўтамабілем перадалі паліцыі ў Тэрэспалі для далейшых дзеянняў.