Сярэдні заробак бюджэтнікаў працягнуў зніжацца ў жніўні

Сярэдні намінальны налічаны заробак бюджэтнікаў Беларусі ў жніўні склаў 2331,6 рубля да выплаты падаткаў. Ён знізіўся ў параўнанні з ліпенем на 4,9%, або на 119,4 рубля.

Рэальны сярэдні заробак у студзені-жніўні ў бюджэтным сектары вырас на 10,6%. Такія даныя апублікаваў Белстат.

У жніўні суадносіны заробку ў бюджэтных арганізацыях і сярэдняга па краіне склалі 74,4%.

Жнівеньскі сярэдні заробак у бюджэтнікаў склаў:

• у дзяржаўным кіраванні — 3679,2 рубля (-430,8 рубля да папярэдняга месяца),
• у настаўнікаў — 2650,8 рубля (-87,7 рубля),
• у выхавальнікаў дашкольнай адукацыі — 1981,7 рубля (-99,8 рубля),
• у прафесарска-выкладчыцкага складу — 2974,3 рубля (-385,8 рубля),
• у лекараў — 4412,1 рубля (-222,1 рубля),
• у сярэдняга медыцынскага персаналу — 2409,4 рубля (-70,5 рубля).