Скриншот видео t.me/exilenova_plus
Урад Расіі прыняў рашэнне забараніць экспарт некаторых прадуктаў нафтахіміі за межы ЕАЭС. Адзначаецца, што рашэнне накіравана на забеспячэнне сыравінай расійскіх прадпрыемстваў.
“Абмежаванне ўведзена на тры месяцы і распаўсюджваецца на вываз каменнавугальнага і нафтавага бензолаў, талуолу, ортаксілолу, параксілолу, фенолу. Яны выкарыстоўваюцца ў тым ліку пры вытворчасці лакафарбавых пакрыццяў для аўта-, авія-, судна- і чыгуначнага машынабудавання, упакоўкі для харчовых прадуктаў, падлогавых пакрыццяў і ізаляцыйных матэрыялаў для кабельнай прадукцыі, у медыцынскай прамысловасці”, – гаворыцца ў паведамленні ўрада РФ.
У Расіі раней на фоне ўдараў беспілотнікаў па нафтаперапрацоўчых прадпрыемствах уводзіліся абмежаванні і забароны на экспарт паліва.