Фото: kremlin.ru
Уладзімір Пуцін заявіў, што Расія нібыта разглядала магчымасць аднавіць перамовы з Украінай пасля выбараў у Думу, але з-за ўдару УСУ па Маскве ў ноч перад галасаваннем Масква будзе думаць над дзеяннямі ў адказ.
«Таму гэтыя ўсе дзеянні, накіраваныя на так званае прымірэнне, і прапанова аб аднаўленні перамоў — так, яны ўсе на стале, гэта ўсё магчыма. Але пасля ўсяго таго, што яны зрабілі, мы яшчэ падумаем як след, што нам трэба зрабіць у адказ. І ў любым выпадку ўсе рашэнні па гэтым напрамку, у тым ліку і па магчымым аднаўленні перамоўнага працэсу, мы будзем прымаць зыходзячы з інтарэсаў Расійскай Федэрацыі», — заявіў Пуцін, адказваючы на пытанні журналістаў 25 верасня.
Пуцін прызнаў, што ўдары Украіны па расійскіх НПЗ прывялі «да пэўных страт», а таксама абвінаваціў Украіну ў несправакаваных ударах па складах Wildberries і «Озон», змаўчаўшы пра тое, што гэта быў адказ Кіева на расійскія ўдары па складах «Новай пошты».
Паводле слоў Пуціна, Украіна павінна адчуць удары Расіі ў адказ.