Юрий Ушаков. Скриншот видео
Прэзідэнт Расіі Уладзімір Пуцін сёння сустрэнецца са спецпасланнікам прэзідэнта ЗША Стывам Уіткафам. Пра гэта паведаміў памочнік Пуціна Юрый Ушакоў.
“Так, Пуцін прыме Уіткафа. У Канстанцінаўскім палацы. Сёння ў першай палове дня мерапрыемства запланавана”, – сказаў ён.
Раней Уіткаф і спецпрадстаўнік расійскага прэзідэнта Кірыл Дзмітрыеў ужо прыбылі ў Канстанцінаўскі палац.
Ушакоў назваў сустрэчу Уіткафа і Пуціна запланаваным мерапрыемствам.
“Яно, я б сказаў, планавае, яно ўзгаднялася некалькі дзён таму. Для нас, для тых, хто рыхтаваў гэта мерапрыемства, ніякага сакрэту не было”, – дадаў ён.
“Перамовы па ўкраінскім канфлікце, натуральна, гэта галоўная частка сённяшняга кантакту”, – сказаў Ушакоў.
Нагадаем, Уіткаф прыляцеў у Санкт-Пецярбург з Осла, дзе ўчора ў яго адбылася сустрэча з прэзідэнтам Украіны Уладзімірам Зяленскім.