Пуцін і Трамп абмяркоўвалі Украіну. Асабліва важных заяў не было – Ушакоў

Прэзідэнты ЗША і РФ Дональд Трамп і Уладзімір Пуцін падчас сустрэчы на палях саміту АЦЭС у Шэньчжэне абмяркоўвалі Украіну. Вайна была асноўнай тэмай іх перагавораў. Пра гэта паведаміў памочнік прэзідэнта РФ Юрый Ушакоў, які прысутнічаў на перагаворах, перадае ТАСС.

“Абмеркавалі пытанні падрыхтоўкі да трохбаковага саміту і абмеркавалі некаторыя пытанні, якія датычацца нашых двухбаковых адносін. Ну натуральна, закранулі непасрэдна пытанні ўрэгулявання ўкраінскага канфлікту”, – сказаў ён.

Паводле яго слоў, Пуцін сышоў з сустрэчы з Трампам у добрым настроі. Саму размову Ушакоў ахарактарызаваў як падрыхтоўчую да сустрэчы ў трохбаковым фармаце ЗША – Кітай – Расія.

Ушакоў адзначыў, што сустрэча працягвалася 35-40 хвілін. Асабліва важных заяў на ёй зроблена не было.

“Па-мойму, асабліва важных заяў ні адзін бок не рабіў, паколькі мы рыхтуемся да самага важнага мерапрыемства, якое будзе ў трохбаковым фармаце”, – дадаў Ушакоў.

Расійскі бок таксама меў магчымасць пазнаёміцца з новым кіраўніком апарату Белага дома Стывенам Мілерам.

будзе дапоўнена