Посольство Италии в Минске. Фото: maps.yandex.by
Беларускія тураператары, якія працуюць на італьянскім напрамку, працягваюць афармляць візы грамадзянам Беларусі. Пра гэта паведамляе РСТА.
Нядаўна стала вядома, што візавы цэнтр Італіі ў Мінску часова прыпыніў запіс на падачу дакументаў. Аднак рашэнне датычыцца толькі індывідуальнай падачы.
Паводле інфармацыі РСТА, турфірмы, якія з’яўляюцца аўтобуснымі аператарамі на італьянскім напрамку і акрэдытаваныя ў італьянскім пасольстве, працягваюць збіраць, правяраць і падаваць дакументы ў звычайным штатным рэжыме.
У панядзелак, 21 верасня, у візавым цэнтры Італіі ў Мінску адбудзецца сустрэча акрэдытаваных турфірм з прадстаўнікамі візавага цэнтра і пасольства Італіі ў Беларусі, на якой будзе ўнесена яснасць — ці будуць нейкія змены для турфірм адносна квот і парадку падачы дакументаў на італьянскія шэнгенскія візы.