Фото: Reform.by
Больш за 62 тысячы пасажыраў скарысталіся бесперасадачнымі прыгараднымі цягнікамі паміж Смаленскам і беларускімі Оршай і Віцебскам з красавіка па верасень 2026 года. Пра гэта паведамілі ў прэс-службе расійскай Цэнтральнай прыгараднай пасажырскай кампаніі (ЦППК), піша ТАСС.
На маршруце Смаленск – Орша перавезлі каля 27 тысяч пасажыраў, а паміж Смаленскам і Віцебскам – больш за 35 тысяч.
На напрамку Смаленск – Віцебск працуюць рэйкавыя аўтобусы РА-3, а на маршруце Смаленск-Орша – электрацягнікі ЭП3Д.
Паводле слоў дырэктара па развіцці ЦППК Алены Ярохавай, найбольшы попыт на паездкі ў Віцебск назіраецца ў выхадныя дні і падчас фестывалю «Славянскі базар», які праходзіць у ліпені. За тры летнія месяцы кампанія перавезла на гэтым напрамку 38 тысяч пасажыраў, у тым ліку 14 тысяч у жніўні.
Маршруты Смаленск – Віцебск і Смаленск – Орша запусцілі ў красавіку 2026 года, час у дарозе скараціўся больш чым на паўтары гадзіны.