Продажы гарэлкі выраслі ў Беларусі на 2%

Белстат у першым квартале 2026 года зафіксаваў рост продажаў гарэлкі. Звычайна ў апошні час яны зніжаліся.

Як вынікае з дадзеных Белстата, у першым квартале арганізацыі гандлю прадалі алкагольных напояў і піва на 1,6 млрд рублёў. Доля алкаголю ў абароце рознічнага гандлю склала 6,4%.

Аб’ём рэалізацыі алкагольных напояў і піва ў пераліку на абсалютны алкаголь знізіўся на 0,5%, да 1,77 млн дэкалітраў.

У натуральным выражэнні вырасла рэалізацыя:

• гарэлкі — на 2% да 1,966 млн дэкалітраў,
• лікёраў і лікёра-гарэлачных вырабаў — на 17,3% да 341,3 тыс. дэкалітраў,
• каньяку, каньячных напояў і брэндзі — на 6,7% да 343 тыс. дэкалітраў,
• слабаалкагольных напояў — на 2,8% да 1,07 млн дэкалітраў.

Разам з тым знізілася рэалізацыя:

• вінаградных вінаў — на 4,9% да 756,7 тыс. дэкалітраў,
• пладовых вінаў — на 21,3% да 643,9 тыс. дэкалітраў,
• ігрыстых вінаў — на 2% да 522,2 тыс. дэкалітраў,
• піва — на 3,6% да 8,6 млн дэкалітраў,
• іншых алкагольных напояў — на 7% да 281,7 тыс. дэкалітраў.