Фото: t.me/minskenergo
У «Мінскэнерга» пракаментавалі прарыў трубаправода, які адбыўся сёння ў раёне вуліцы Жукоўскага ў Мінску. На прадпрыемстве адзначылі, што аварыя суправаджалася моцным выкідам вады. Да месца здарэння накіравалі чатыры аварыйныя брыгады філіяла «Мінскія цеплавыя сеткі».
Да 13:05 выкід вады спынілі, пашкоджанне лакалізавалі. Цяпер спецыялісты адпампоўваюць ваду і абследуюць месца здарэння, каб дакладна вызначыць участак пашкоджання.
На час аварыйна-аднаўленчых работ абмежавана гарачае водазабеспячэнне ў дамах на вуліцах Жукоўскага, Магілёўскай і Варанянскага.
Прычыны здарэння высвятляюцца.