Польшча замарозіць цэны на газ у 2027 годзе

Урад Польшчы прыняў рашэнне замарозіць цэны на газ для хатніх гаспадарак у 2027 годзе. Пра гэта перад пасяджэннем урада заявіў прэм’ер-міністр краіны Дональд Туск.

“Я хацеў падзяліцца важнай інфармацыяй для мільёнаў сем’яў. Мы вырашылі замарозіць цану на газ для індывідуальных спажыўцоў”, – сказаў ён.

Паводле слоў Туска, цэны на газ для індывідуальных спажыўцоў і хатніх гаспадарак у наступным годзе складуць 197,29 злотага за мегават-гадзіну (44,8 еўра за мегават-гадзіну). Для параўнання, студзеньскі ф’ючарс на газ на хабе TTF сёння каціруецца да 92,92 еўра за мегават-гадзіну.