Фото: МИД
Пасол Беларусі Юрый Нікалайчык уручыў даверчыя граматы прэзідэнту Мазамбіка Даніэлю Франсішку Шапу. Нікалайчык выконвае дыпламатычную місію ў Мазамбіку па сумяшчальніцтве.
Як адзначылі ў МЗС, прэзідэнт Мазамбіка выказаў зацікаўленасць ва ўмацаванні эканамічных сувязей, у прыватнасці, у развіцці супрацоўніцтва ў механізацыі сельскай гаспадаркі і забеспячэнні харчовага суверэнітэту Мазамбіка, а таксама ў сферах энергетыкі, лічбавізацыі і бяспекі ў рэчышчы дамоўленасцей.
Беларускі пасол пацвердзіў гатоўнасць да развіцця двухбаковых адносін. Ён таксама надаў увагу пытанням напаўнення будучага візіту прэзідэнта Мазамбіка ў Мінск.
Таксама быў адзначаны прагрэс у выкананні раней дасягнутых дамоўленасцей. Беларусь ужо наведаў міністр энергетыкі і мінеральных рэсурсаў Мазамбіка.