Горит МНПЗ. Скриншот видео.
Рана раніцай 20 верасня беспілотнікі атакавалі Маскву. Факт атакі пацвярджаюць відавочцы і мэр Масквы Сяргей Сабянін.
“Працягваецца атака варожых беспілотнікаў на Маскву. Пашкоджаны аб’ект на тэрыторыі МНПЗ. Пацярпелых няма. Экстранныя службы працуюць на месцы здарэння”, — напісаў Сабянін у сябе ў сацыяльных сетках, маючы на ўвазе Маскоўскі нафтаперапрацоўчы завод у Капотні.
Пазней ён дадаў, што беспілотнік трапіў у будынак у раёне Арэхавага бульвара.
Апошняе паведамленне ад Сабяніна датуецца 7:51. Ён назваў атаку самай масіраванай за ўвесь час расійска-ўкраінскай вайны.
“Адбітая самая масіраваная атака варожых беспілотнікаў на Маскву. З учарашняга дня на ўсіх рубяжах адбіта больш за 1600 БПЛА. З іх 450 на падлёце да Масквы. Дзякуй байцам СПА за самаадданую працу. Тым не менш, некалькі беспілотнікаў дасягнулі тэрыторыі МНПЗ, адзін трапіў у жылы дом. Загінулых няма.
Беспрэцэдэнтная атака відавочна была спланаваная з мэтай зрыву выбараў. Праціўніку гэта не ўдалося”, — адзначыў ён.
Відавочцы ў сетцы публікуюць наступствы атакі. У выніку, верагодна, успыхнуў маштабны пажар на тэрыторыі лагістычнага тэхнапарка “Соф’іна” і на НПЗ у Капотні.