Скриншот трансляции
Прэм’ер-міністр Арменіі Нікол Пашынян на сённяшнім брыфінгу пацвердзіў намер падаць заяўку на ўступленне ў Еўрасаюз у 2027 або 2028 гадах. Аналагічную заяву ён зрабіў у аўторак у Бруселі.
«Мы яшчэ не пачалі падрыхтоўку да выхаду з ЕАЭС, мы збіраемся прапанаваць нашым людзям альтэрнатыўныя варыянты, як і абяцалі. Нашы людзі павінны мець магчымасць зрабіць выбар.
Мы не збіраемся выходзіць з ЕАЭС, але вы ведаеце, што нашы партнёры па гэтай структуры ўздымаюць пытанне аб пераходзе на новы этап і правядзенні рэферэндуму.
Я казаў, што на дадзены момант няма падстаў для правядзення рэферэндуму. Перш чым праводзіць рэферэндум аб выхадзе з ЕАЭС і ўступленні ў ЕС, мы павінны прайсці пэўныя працэдуры.
Мы ідзём гэтым шляхам. Мне відавочна, што гэты працэс прывядзе да таго, што ў 2027 або 2028 годзе мы афіцыйна пададзім заяўку на пачатак працэсу станаўлення паўнапраўным членам Еўрапейскага саюза», — сказаў ён, перадае “Арменпрэс”.