Фото: president.gov.by
Аляксандр Лукашэнка сёння прызначыў новых кіраўнікоў шэрагу дзяржаўных арганізацый і органаў. Перастаноўкі адбыліся ў адміністрацыі Лукашэнкі і МАРГ.
Таксама быў прызначаны новы дырэктар Беларускага інстытута стратэгічных даследаванняў. Ім стаў Андрэй Кунцэвіч, які да гэтага працаваў першым намеснікам міністра інфармацыі. У Мінінфарм ён прыйшоў з адміністрацыі Лукашэнкі, дзе курыраваў пытанні ідэалогіі.
Алег Дзячэнка стаў упаўнаважаным па справах рэлігій і нацыянальнасцей. Да гэтага ён быў дэпутатам Палаты прадстаўнікоў, дзе быў намеснікам старшыні Пастаяннай камісіі па міжнародных справах.
На работу ў Дзяржстандарт накіраваны першы намеснік старшыні КДК Дзмітрый Баско. Ён стаў старшынёй Дзяржаўнага камітэта па стандартызацыі.
Нарэшце, Яраслаў Чаркаскі прызначаны паслом у Сірыі і Іарданіі па сумяшчальніцтве.
Генеральным дырэктарам Беларускага дзяржаўнага аб’яднання па нарыхтоўцы, перапрацоўцы і пастаўцы лому і адходаў чорных і каляровых металаў — генеральным дырэктарам ААТ «Белдругчармет» прызначаны Сяргей Гунько. На гэтую пасаду ён пераходзіць з пасады дырэктара ААТ «Белколермет».