Министерство информации. Фото: Reform.by
Міністэрства інфармацыі Беларусі рашуча асудзіла забарону распаўсюджвання праграмы «Радыё Беларусь» у Латвіі.
Рашэнне аб забароне было прынята Нацыянальным саветам па электронных СМІ Латвіі (NEPLP). Латвійскі рэгулятар заявіў, што ў эфіры радыёстанцыі распаўсюджваліся аднабаковыя і тэндэнцыйныя звесткі пра вайну Расіі супраць Украіны, апраўдвалася расійская ваенная агрэсія і публікаваліся матэрыялы ў падтрымку рэжыму Аляксандра Лукашэнкі, а ў самарэкламе радыёстанцыі дыскрэдытаваліся дзяржустановы Латвіі.
Мінінфарм назваў дзеянні латвійскага ведамства цэнзурай і спробай не дапусціць распаўсюджвання «аб’ектыўнай інфармацыі».
«Абвінавачанні NEPLP у адрас беларускай радыёстанцыі, сфармуляваныя ў найгоршых традыцыях палітыкі падвойных стандартаў, выглядаюць непрыхаваным жаданнем латвійскіх уладаў не дапусціць распаўсюджвання аб’ектыўнай і дакладнай інфармацыі.
Відавочна, што ўвядзенне цэнзуры супраць непажаданых медыя, замежных у тым ліку, стала фірмовым стылем працы афіцыйных уладаў Латвіі», — гаворыцца ў заяве Мінінфарма.