Фото: Пул первого
Аляксандр Лукашэнка падчас даклада старшыні Мінскага гарвыканкама Уладзіміра Кухарава намякнуў, што хоча бачыць больш высокія паказчыкі росту валавога ўнутранага прадукту.
“Па краіне, дай бог, каб мы выйшлі на 3% – я такую задачу стаўлю. Абавязкова па ВУП у Беларусі трэба 3% дадаваць. Трэба да канца года дацягваць да 3%. А табе 3,5% пастарацца, трэба выйсці на гэта”, – сказаў Лукашэнка, перадае яго прэс-служба.
Нагадаем, сваім жа ўказам у канцы мінулага года Лукашэнка зацвердзіў прагноз сацыяльна-эканамічнага развіцця на 2026 год. Ён прадугледжвае рост ВУП толькі на 2,8%. Па выніках студзеня-ліпеня паказчык павялічыўся на 2,1%.