Скриншот видео
Спецпасланнікі прэзідэнта ЗША Джарэд Кушнер і Стыў Уіткаф зноў сустрэнуцца з прэзідэнтамі Украіны і Расіі пасля перамоваў у Абу-Дабі. Пра гэта заявіў Джарэд Кушнер
“Мы са Стывам заўтра адпраўляемся ў Маскву на сустрэчу з прэзідэнтам Пуціным, каб абмеркаваць вынікі сённяшніх перамоваў і паспрабаваць дамагчыся далейшага прагрэсу па шэрагу закранутых пытанняў — мы бачым тут пэўныя перспектывы і магчымасці. Пасля гэтага мы вылецім у Дублін, дзе сустрэнемся з прэзідэнтам Зяленскім, каб праінфармаваць яго пра вынікі і больш дэталёва прапрацаваць некаторыя ідэі, якія ўзніклі ў нас сёння. Правядзём дадатковы аналіз сітуацыі”, – сказаў ён.
Ён дадаў, што быў бы рады асабістай сустрэчы Зяленскага і Пуціна, але расіяне хочуць дамагчыся большага прагрэсу перад гэтай сустрэчай.
Кушнер таксама пацвердзіў дасягненне дамоўленасцяў пра абмен палоннымі, іх колькасць будзе ўзгодненая заўтра.