Иван Кубраков. Скриншот видео
Міністр унутраных спраў Беларусі Іван Кубракоў заявіў, што міліцыянеры пройдуць дадатковую падрыхтоўку па выніках аналізу тэракту ў Кракаве.
“Мы зрабілі высновы з гэтай і падобных сітуацый. Мы вывучаем тое, што адбываецца вакол нашай краіны, асабліва пытанні, якія датычацца забеспячэння бяспекі грамадзян, у тым ліку ў грамадскіх месцах. Усе супрацоўнікі, якія нясуць службу па забеспячэнні аховы грамадскага парадку, пройдуць спецыяльную тактычную і псіхалагічную падрыхтоўку да дзеянняў у асаблівых умовах”, – сказаў Кубракоў, перадае БелТА.
У мінулую суботу 24-гадовы Міхал Аксіньскі на аўтамабілі заехаў на цэнтральную плошчу Кракава і адкрыў страляніну. Ён забіў 6 і параніў 15 чалавек. Яго спынілі паліцэйскія. Пры гэтым двое польскіх праваахоўнікаў былі параненыя. Адзін з іх, Якуб Кулік, нягледзячы на раненне, змог абясшкодзіць нападніка, які памёр учора ад атрыманых раненняў. Перад тым як адкрыць страляніну ў Кракаве, Аксіньскі забіў сваіх бацькоў і сястру.