Фото: Reform.news
Каардынацыйная рада Беларусі стварае часовую камісію па падрыхтоўцы дакумента «Ацэнка патрэб» (Needs Assessment). За рашэнне прагаласавалі дэлегаты КР.
Ініцыятыва стварэння камісіі паступіла ад фракцыі «Кааліцыя Латушкі і Рух “За свабоду”».
Мэтай камісіі з’яўляецца забеспячэнне ўдзелу Каардынацыйнай рады ў фарміраванні кансалідаванай пазіцыі беларускіх дэмакратычных сіл і грамадзянскай супольнасці па прыярытэтах міжнароднай падтрымкі Беларусі.
Старшынёй камісіі абраны Юрый Губарэвіч, які прадстаўляе фракцыю «Кааліцыя Латушкі і Рух “За свабоду”». Яго намесніцай стала Аліса Рыжычэнка з фракцыі «Еўрапейскі выбар», паведамілі ў прэс-службе КР.