КДК прапануе скардзіцца на працу пасажырскага транспарту

Камітэт дзяржаўнага кантролю прапануе беларусам паскардзіцца на працу пасажырскага транспарту. «Гарачая лінія» будзе працаваць 10 і 11 снежня з 9:00 да 13:00 і з 14:00 да 17:00.

На кароткі нумар 191 можна паведаміць пра:

• неналежную працу перавозчыкаў;
• парушэнні раскладу руху і недастатковасць маршрутаў;
• нездавальняючы стан прыпынкаў і транспарту;
• нявыдачу чэкаў на маршруце і невыкананне перавозчыкамі правілаў бяспекі і хуткаснага рэжыму.