Фото: Европарламент
У Еўрапарламенце рыхтуецца канферэнцыя высокага ўзроўню, прысвечаная Беларусі. Яна можа прайсці ў снежні 2026 года. Дарадца Ціханоўскай па канстытуцыйнай рэформе і парламенцкім супрацоўніцтве Анатоль Лябедзька правёў кансультацыі з камандай кіраўніцы дэлегацыі Еўрапарламента па Беларусі Малгажаты Гасеўскай.
Як паведамляе “Парламенцкі канал”, у канферэнцыі плануецца ўдзел прадстаўнікоў краін ЕС і інстытутаў саюза, уключаючы кіраўніцу Еўрапарламента Раберту Метсолу і кіраўніцтва Еўрапейскай службы знешніх дзеянняў, Еўракамісіі.
Праграма канферэнцыі яшчэ ўзгадняецца, як і поўны склад удзельнікаў.
Таксама абмяркоўваліся ідэі супрацоўніцтва на 2027 год, у тым ліку арганізацыя форуму хросных, якія ўзялі пад апеку беларускіх палітвязняў, міжпартыйны форум 8+100, а таксама праца па рэстытуцыі маёмасці, канфіскаванай у беларусаў па палітычна матываваных справах, і інш.