Экспарт беларускіх інвестыцыйных тавараў у студзені-ліпені знізіўся на 0,1% да 2,3 млрд долараў. На гэта ўказваюць даныя Белстата. Па выніках паўгоддзя паказчык дэманстраваў прырост на 0,1%.
Імпарт інвестыцыйных тавараў у студзені-ліпені вырас на 10,6% да 3 млрд долараў.
Гандаль прамежкавымі таварамі таксама расце. Экспарт за сем месяцаў вырас на 27,8% да 14,06 млрд долараў, а імпарт — на 18,4% да 16,97 млрд долараў.
Экспарт спажывецкіх тавараў у студзені-ліпені вырас на 27,4% да 10 млрд долараў, у тым ліку харчавання — на 25,9% да 5,54 млрд долараў, а нехарчовых тавараў — на 29,4% да 4,46 млрд долараў.
Імпарт спажывецкіх тавараў павялічыўся ў студзені-ліпені на 23,1% да 10,68 млрд долараў, у тым ліку імпарт харчавання — на 20,5% да 2,78 млрд долараў, а нехарчовых тавараў — на 24,2% да 7,9 млрд долараў.