У аўторак хусіты атакавалі штаб-кватэру саудаўскай дзяржаўнай нафтавай кампаніі Saudi Aramco у горадзе Дахран.
Паводле інфармацыі Reuters, ракета трапіла ў адзін з будынкаў, пашкодзіўшы тры верхнія паверхі. Узнік пажар. Мінэнерга каралеўства позна ўвечары ў аўторак пацвердзіла інцыдэнт, адзначыўшы, што пацярпелых і загінулых няма.
Комплекс у Дахране ўяўляе сабой аперацыйны цэнтр кампаніі, адкуль кіруюць нафтаздабыўнымі пляцоўкамі, трубаправодамі, НПЗ і экспартнымі тэрміналамі.