Скриншот видео
Генеральная пракуратура ўзбудзіла шэсць крымінальных спраў па фактах атрымання хабараў службовымі асобамі дзяржаўных арганізацый. Сярод падазраваных у тым ліку работнікі дарожна-будаўнічых прадпрыемстваў.
Паводле інфармацыі Генпракуратуры, хабары перадаваліся за выбар пастаўшчыкоў камплектуючых для абслугоўвання дарожна-будаўнічай тэхнікі, а таксама за прыняцце выкананых работ, падпісанне актаў здачы-прыёмкі выкананых будаўнічых і іншых спецыяльных мантажных работ і іх аплату.
Сумы хабараў складалі да 12 тыс. рублёў.
“Віна службовых асоб у здзяйсненні карупцыйных злачынстваў пацверджана, сярод іншага, матэрыяламі даследчай праверкі, канфіскаванымі першаснымі ўліковымі дакументамі, банкаўскімі звесткамі і дадзенымі бухгалтарскага ўліку.
Падазраваныя цалкам прызналі факты хабарніцтва і абавязаліся кампенсаваць атрыманы злачынным шляхам даход”, — гаворыцца ў паведамленні Генпракуратуры.
Справы былі ўзбуджаныя па выніках праверак ГУБЭП МУС і тэрытарыяльных падраздзяленняў УБЭП КМ ГУУС Мінскага гарвыканкама.