Фото: Towfiqu barbhuiya / Unsplash.com
Банкі ў жніўні павялічылі крэдытаванне фізасоб. За месяц было выдадзена крэдытаў на 2 млрд рублёў, што на 130 млн рублёў больш, чым у ліпені. У параўнанні са жніўнем мінулага года аб’ём крэдытавання вырас на 50,9%. Такія даныя апублікаваў Нацбанк Беларусі.
У цэлым па выніках васьмі месяцаў сума крэдытаў, выдадзеных банкамі фізасобам, дасягнула 12,75 млрд рублёў і вырасла на 20,4% у параўнанні з аналагічным перыядам мінулага года.
Аб’ёмы спажывецкага крэдытавання ў студзені-жніўні выраслі на 20,9% да 10,08 млрд рублёў. Крэдытаванне нерухомасці павялічылася на 18,4% да 2,67 млрд рублёў.
Запазычанасць фізасоб па крэдытах за жнівень вырасла на 741,1 млн рублёў і склала на 1 верасня 33,09 млрд рублёў. За год даўгі фізасоб па крэдытах выраслі на 16,1%.
Даўгі па спажывецкіх крэдытах павялічыліся на 22,9% да 13,85 млрд рублёў, а па крэдытах на нерухомасць — на 11,7% да 19,2 млрд рублёў.
На 1 верасня фізасобы пратэрмінавалі крэдыты на 57,3 млн рублёў, што на 0,7 млн рублёў менш, чым па стане на 1 жніўня. За год аб’ём пратэрмінаванай запазычанасці вырас на 9,3 млн рублёў.