Виктор Снегур. Фото: spring96.org
У дачыненні да палітвязня Віктара Снегура, фігуранта «справы Аўтуховіча», распачалі чацвёртую крымінальную справу паводле артыкула аб злосным непадпарадкаванні адміністрацыі калоніі (арт. 411 КК), паведамляе праваабарончы цэнтр «Вясна».
У 2022 годзе Снегура прысудзілі да 19 гадоў пазбаўлення волі і штрафу ў 800 базавых велічынь паводле «справы Аўтуховіча».
У кастрычніку 2024 года была распачатая першая справа аб непадпарадкаванні адміністрацыі калоніі, а затым — яшчэ дзве. У агульнай складанасці Снегуру дадалі 5,5 года пазбаўлення волі.
У снежні 2025 года Віктар знаходзіўся ў калоніі №20 у Мазыры. Дзе ён утрымліваецца цяпер — невядома. Ужо некалькі месяцаў палітвязень знаходзіцца ў рэжыме інкамунікада.