Фото: СК
48-гадовы мужчына загінуў на паляванні ў Гродзенскім раёне, паведамляе Следчы камітэт.
Увечары 2 верасня кампанія паляўнічых адправілася ў лес. Заўважыўшы казулю, паляўнічыя сталі рыхтавацца да стральбы. У гэты момант 51-гадовы егер выявіў, што ў прыцэле разрадзілася батарэя.
Егер вярнуўся да аўтамабіля, сеў на вадзіцельскае сядзенне і паклаў зараджаны карабін на калені, не паставіўшы зброю на засцерагальнік. У момант, калі ён здымаў ахоўны каўпачок з прыцэла, адбыўся выпадковы стрэл са ствала, накіраванага ў бок вуліцы. Зарад трапіў у 48-гадовага знаёмага. Ад атрыманых траўмаў мужчына памёр.
Распачата крымінальная справа па артыкуле аб прычыненні смерці па неасцярожнасці (ч. 1 арт. 144 КК).